Ascheberger Sprüch

Klipp klapp, klipp klapp

Schebbert’s dorch die Schtraße,

Alles guckt und reckt die Kepp’,

Bube und Frabrase.

Macht ner uff die Fenster schnell,

Macht ner uff ’n Lade,

Hert mer nit die Reiterei,

Sein des nit Soldate?

Kummt e ganz klä’ Wächelche

Mit zwä derre Haider,

Houch im Sattel owwedruff

Seitlings hockt de Reiter.

Hot sei’ Klebche schebb im Maul,

Hot ’n blaue Kittel,

Schläft gemietlich uff sei’m Gaul,

Merkt nix vom Gerittel.

Grouße derre Schinnersgäul

Alt und wundgeschunne,

Zieche an de Batzeschtrick,

Schlampig zammgebunne.

Hame, Anker, Sääl’ un Kett’

Lieche drin im Wache,

Eßgescherr un Futtersäck’,

Wääß Gott was fer Sache!

Un am Wache hinne dran

Hänge noch zwä Haider,

Schlorche mied’ de annern nach,

Kumme kaum mehr weiter.

Guckt ner nach dem dolle Zug,

Merkt Eich die Geschtalte,

Seht se heit zum letzte Mal,

Sein nimmehr zu halte!

Klipp klapp, klipp klapp

Zieh’n die miede Haider

Jetz’ ’n Lehergrabe ’nab:

Leinreiter worn’s von Leider!