Ascheberger Sprüch

Will sich’s Mädche zeige

In sei’m Sunndagsschtaat,

Gäiht’s beim Zwelfeläute

Schtolz uff die Parad’.

Nobel uffgedunnert

Schteigtse wie e Pau,

Un sie werd bewunnert

Un beguckt genau,

Un dann gibt’s zu babbele, zu klatsche un zu rede,

Un dann fängt die Musik an mit Pauke un Drumbeede.

Dann kummt Er geschtiege

Wie e Deiberich,

Deckelt voll Vergniege,

Ihr gibt’s glei’ ’n Schtich,

Er schenkt ihr e Rösje,

Sie macht ’em ’n Knix,

Sie kriegt route Bäckche,

Babbele duh’n se nix,

dann winke, zwinkern se un schpinne leis ihr’ Fäde,

die Musik schpielt dezu mit Pauke un Drumbeede.

Un die liebe Mudder

Guckt ganz selig zu,

Bis de schtrenge Vadder

Merkt des dumm’ Geduh

»Laß den Gischpel laafe,

Geb der ner kä Mieh’,

Duh’ erscht driwwer schlafe,

Des is kä’ Partie!«

dann gibt’s Geflenn’, Geheil un grouße Schwulitäte,

de Alt’ fährt zwische ’nein mit Pauke un Drumbeede.

Dann siecht mer e Weilche

Sie im Sunndagsschtaat

Wie e einsam’ Veilche

Allä’ uff de Parad’;

Er dehäm voll Sorge

Ochst den Kopp sich voll,

Weil er nächste Morge In’s Exame soll;

Un darin gibt’s zu babbele, zu klatsche un zu rede,

Er is glicklich dorchgeplumpst mit Pauke un Drumbeede,

Widder nach ’m Weilche

Zeigt sich in ihr’m Schtaat

Unser einsam Veilche

Schtolz uff de Parad’.

Un dann kummt geschtiege

E neier Deiberich,

Deckelt voll Vergniege,

Ihr gibt’s glei’ ’n Schtich,

Un dann winke, zwinkern se un schpinne leis ihr’ Fäde,

Un dann gäihts von vorne an mit Pauke un Drumbeede.