Ascheberger Sprüch

»Herr Nachbar, hert, wenn’s Eich ni’ eilt,

Ihr habt ja Manchen scho’ geheilt,

Herr Nachbar, seid so gut un gebt

Mer fer mei’ Krankheit e Rezept.«

»Was is dann lous?«

»Ich kann nix rieche,

Un uff de Zung’ duht mer was lieche,

Es kratzt im Hals mich wie ni’ g’scheit!«

»So macht’s halt wie die annern Leit’.«

Ȁ Frag noch, seid mer ner nit mies!

Die annern Leit’, wie mache die’s?«

»Wann se nix rieche, schnuppe se,

Un wenn se’s kratzt, dann jucke se,

Liegt’s uff de Zung’, dann schpucke se,

Gelle se, da gucke se?«