Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Die zufriedenen Brüder

Verfast von F. Herz.
Arie, nach den Liede: der Einsiedler.

Wien bei Anton Leitner Bürger und Kupferstecher Schottenfeld.

So zufrieden wie mir Brüder san mitanant,
Wern so bald ka zum finden sein im ganzen Land,
Den ka Mensch is zufrieden, mit'n Geld und mit'n Rang,
Lametirn thurns es wird am fast bang.
Daß viel nix hobn das sehn mir bei uns das is wahr,
Aber klogn do hört uns doch ka Mensch s'ganze Jahr,
Und der bei uns klogt den gebn mir bloß die Red,
Mir und du san ja die anzinger net.

Mir loschirn beianander mir san schon zom g'wohnt,
Mir hobn a Mutter und lieben a Madl mitanont,
Do gibt noch den Madl die Lieb z'wenig aus,
Es kommen neb'n unser noch sechsi ins Haus.
Aber was woll mir machen mir schaun halt so zu,
Es gebet in Wien freilich Madln noch gnur,
Nichts bessers komt nach das ist halt die alte Red,
Denken mir uns mir san die anzinger net.

Die Nahrung is wenig und theuer dazu,
Stat an Kreizer hat man mit an Groschen net gnur,
A Zwanz'ger der amal a ausgebigs Geld war,
Is jetzt kanner zu segn mit die is ganz gar.
Aber mir san zufrieden mir zieg'n noch Wien vor,
Wie man hört krieg's wo anderst ums Geld noch net gnur,
Und hörn mir wo an wispeln sag i lieber Herr Geth,
Lassens gehn mir san ja die anzinger net.

In der Fruhr stehn mir auf zu der Arbeit voll Freud,
Denn der Mensch hat zu den, und zu den b'stimmte Zeit,
Aber Leut gibts die schimpfen es ist oft a graus,
Stats Arbeiten Trinken sie sich lieber an Rausch.
Doch mir wern net müd und wan d'Wochen verrint,
San mir stolz was mir kaufen das habn mir verdint,
Und wann mir uns noch so viel plag'n is die Red,
Arbeit zu, mir san die anzinger net.

Und können mir aus alter nichts Verdienen zur Zeit,
Trösten mir uns in unsern Land san g'wiß gute Leut,
In Wien is noch kanner aus Hunger gestorb'n,
Aber aus Falheit ist schon mancher verdorb'n.
Denn Wien ist noch manchen Ausländer sein Schatz,
Woas er nirgens sich zu setzen, hier find er an Platz,
Und is wo a Noth schickt glei Östreich was zur,
San mir stolz mir san die anzinger nur.