Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Zwoa Vogerla

In' Wold drin homant mitanand
Zwoa Vogerla eahra Gspiel,
Des oa' des tuat den ondern noh,
Wer woaß s, wos s von eahm will.

s sel oder muass a Weiberl sa',
Des kennt mar in sein Treibn.
Zerst lockt s es Mannerl und aft tuat s,
Wos wollt s net bon eahm bleibn:

Schwupps, fluigt s gleih af an odnern Nost,
Aft mocht s es: zwi, ziwi?
Draht s Köpfl hin und her und guckt
Verstohlnst af s Mandl hi'.

Des wetzt sei' Schnaberl, guatikat,
Wos soll ih sogn zun ihr?
Aft kraupt s de Federn, strieglt sih
Und mocht s recht liab: zü, zia!

Sie sagt ninks draf. Halt, dent sih er,
Kurasch, ejtz grot s dir scho',
Husch, fluigt er weier hi' zun ihr,
Schwupps, ist s ah scho' davo'.

Weit fluigt s net! Af an dünna Zwal,
Der wos sih reht schö' buigt,
Schwingt s sih hi' und treibt s so long,
Bis s Mandl nachifluigt.

So furmant s es a' guate Wal,
Is eah' net zwida woarn –
Af oamol himat sih de zwoa
Woaß Gott wouhi' volorn.

Do rauscht s in' Gnast, mih ziemt s, wöi wenn
An Zwigaza eps tat –
Aft bludert s noh a' Walerl um
Und gleih danoh is s stat.

Wos war den des? Eitz schauts ma no
Den dumma Vogl o':
Der hot dem oarma Weiberla
Net goar amend eps to'?

Do is s o wieda, Gott sei Donk!
We dass s so gschami tuat?
Und s Gfieda putzt s ihr – husch ejtz is s
In d höhern Nastla fuart.

Und s Mandl – fluigt goar oi in s Möis;
Wos wird s den durt derschau'?
A' Reisat trat s in' Schnaberl fuart –
Aha'! Zun Nesterlbau'.

*