Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Vo' da Freud

Sitzt a' Vogerl in' Zwal,
Schallert und jugazt und singt,
Dass des gonz Waldl grod klingt.
Dass eahm fast s Kröpfl afspringt,

          Bleib ih holt steh', hon koa' Al,
          Lus eahm zua d a' Wal.

Wöi ih so lus, wird s ma schier,
Dass ih dem Vogerl sa' Freud,
Dass' eahm sei' Lustisa' neid:
Konn s denn net sa', dass an Leut

          Oamol s Herz afgang, wöi dir?
          War denn a' Riegl do für?

Gach is s ejtz stat. – Is s a' Buaß? –
Gwiss hot mih s Vogerl daschaut!
Wal s dena Leutn net traut,
Fluigt s gleih davo' ohne Laut. –

          D Freud – dass s gleih weggafluign muass,
          Wou da Mensch hi'tritt mi'n Fuaß –

*