Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

s Tonnabäuml

A' Böhmerwaldla Büabl muass
Goar bis in d Weanerstodt
In d Studie, wal er netta do
An Vetern von eahm hot.

Dahoam: De Wiesna und da Wold!
Und do? – De enge Stubn.
Den oarma Buabn wird weh und bong,
Fast bringt hna d Wallung um.

Wöier mi n Vetern kurz amol
In' Stodtpark geht spaziern,
Do bleibt er steh' gach – d Rötn schuißt
Eahm affi üba s Hirn.

Und d Augn, de glanznt eahm voll Freud –
Wos hot er den dasegn?
A' Tonnabäuml is durt gwen:
Da Bua hät s holsn mög.

»Mir is ejtz völli leichta woarn«,
Sagt er, »hon gmoant ih tram:
Ih hon a' Stückl Hoamat gsegn
Do, in den Tonnabam!«

*