Gäih’ ich ’mol die Schosseh ’naus,

Kumm’ ich an e Bauernhaus,

Guck’ ich ’nein,

Alles fein,

Schöi’ un kloor beinanner,

Neigebaut aus route Schtä,

Alles sauber, wunnerschö’,

Un des Vieh,

Sakradi!

Schenner äns wie’s anner!

Gäih’ ich aach am Schtall verbei,

Schtäih’n der do in äner Reih’,

Eng und dicht

Ausgericht’,

Uffgestellt die Dippe,

Guck’ ich in In Dippe ’nein,

Nix als Milch, zum Deixel nein!

’s gibt noch Geld

Uff de Welt,

’s Herz mecht’ äm do hippe!

Da uff ämol - wer denkt dran? -

Fängt’s ganz schö’ zu regne an,

Plitsch, platsch,

Gibt’s ’n Tratsch,

Die Dippe hawwe kä’ Deckel,

’s tratscht in alle Kanne ’nein,

De Bauer lacht, als mißt’s so sein,

Un in Ruh’

Guckt er zu

Mit de Hend’ im Seckel.

Un ich Äisel bin sou dumm,

Frag’ den Bauer: »Du, warum

Draus die Kann’

Läßte dann

Mit de Milch im Rege?«

Doch der zwinkert mit sei’m Aag’:

»Is der des e dummi Frag’!

Warum?

Darum!

Grad’ von dessentwege!«

Wer beim Pansche werd verwischt,

Der kummt in e böis Geschicht’,

Dem gäiht’s schlecht,

G’schieht’m recht

Grad’ von dessentwege,

Doch wer sich uff Gott verläßt,

Un ’n Himmel pansche läßt,

Der bringt’s weit

Mit de Zeit; -

Rege, der bringt Sege!