Sunndags früh um Elfe

Gibt’s kän schenner’n Schpaß

Als ’n kläner Bummel

Uff de Herschelgaß’.

Unne angefange,

Owwe werd gewendt,

Dann werd nunnergange,

Nuff dann bis ans End’.

Siehste des Schtudentche

Mit sei’m neie Rock,

Mit sei’ route Handschuh,

Mit seim dicke Schtock.

Immer nuff un nunner

Mit de gääle Schuh’,

Bis se dorchgeloffe,

Eh’r gibt er kä’ Ruh’.

Owwe angefange,

Unne werd gewendt,

Dann werd nuffgegange,

’nab dann bis an’s End’.

Siehste dort des Mädche

Mit sei’m neie Hut,

Mit sei’m neie KIädche,

Wie se freindlich duht!

Immer nuff un nunner

Mit de gääle Schuh,

Bis se Äner heiert,

Eh’r gibt se kä Ruh’.

Unne angefange,

Owwe werd gewendt,

Dann werd nunnergange,

Nuff dann bis ans End’.

Sunndags früh um Elfe

Gibt’s kän schenner’n Schpaß

Als ’n kläner Bummel

Uff de Herschelgaß’.