’s Träudche wor schöi’,

Gor e goldige Krott,

Ner än kläne Fehler,

Den hot se gehott.

Sie hat kän gemögt,

Un wie mer so sägt:

Sie wor e weng fohrig,

Sie wor e weng schtorig,

Un nix wor er recht.

Viel’ Borsche sein kumme,

Hawwe um se gebitt’;

Sie hot kän genumme,

Sie passe’re nit!

Ihr Herz kriegt kän Schprung,

Es kumme noch genung!

Sie wor e weng fohrig,

Sie wor e weng schtorig,

Sie wor halt noch jung!

’s Träudche wor schöi’,

jetzt’ will’s mit Gewalt

Glei’ jed’n Borsch heiern,

Doch die sage halt:

Was, die? Ni’gemalt!

Wem die noch gefallt!

Die is uns zu fohrig,

Die is uns zu schtorig,

Die is uns zu alt!