Deratwegen ham s' 'n ozoagt,
Und der Martl kimmt vor's G'richt;
Aus dem bisserl Onistößen
Wird a Kriminali-G'schicht.

Hin und her thuan s' reden, fragen,
Bis der Staatsanwalt steht auf,
Der am Martl, paragraphweis',
Haut a Mordstrumm Straf na nauf.

Der reißt's Maul auf, net grad d' Augen,
Was der Staatsanwalt all's woaß;
»Geh' her auf!« sagt er dazua na,
Denn iatzt wird er aa scho hoaß.

»Du mit Deine Paragraphen –
Dö kost leicht sag'n, bal s' derschnaufst –
Fahr mal oochri auf der Isar,
Werst glei seach'n, ob it dersaufst!«