Am Sunnta, bei'r Musi,
Ham's g'rafft wia net g'scheid;
Ganz g'schwoll'n is der Nazi;
Drum frag'n ean iatzt d' Leut:

»Ja, Sakra, was host denn,
Du bist ja ferm schiach,
Ganz blaug'fleckt und tüpfit,
Wia a Unterbettziach.«

»»Ja woaßt,«« gront der Nazi,
»»Der Teufi soll's hol'n;
Mi'm Raffa do kummst mir iatzt
Aa scho bald g'stohl'n.

Der Sepp und der Hiasl,
– Dort sixt's ja geh –
Schau, g'haut ham's mi – sagt er –
Net lang – aba schö!««