Der Holofernes war da drauf,
Doch ohne Kopf, weil den
Die Judith grad in Sack hat g'steckt,
Wenn er aa bluati g'wen.

Heut Nacht kummt mir dö G'schicht im Traam;
Da war dö Judith i;
I schleich mi mit'm Sabel stad
Zum Holofernes hi'.

Der Kopf war auf oan Stroach herunt,
Und weil koa Sack net do,
Pack i an Schädel bei die Haar,
Und schiabet nacha oo.

Doch wia den ersten Schritt i mach,
Da schimpft ganz laut der Kopf:
»Du Lackl!« – sagt er – i wach auf –
Und hab die Alt beim Schopf.