»Dös g'schlecki sei – sagt er – war schuld,
Daß dö im Paradies
An Herrgott ganz vergessen ham,
Und was verboten is.

Dös guate Sach und 's Obst ringsum,
Dös war dö zwoa scho z' schlecht;
Grad von dem Baam do in der Mitt
Ham s' no an Apfi g'möcht.

Glei wia der Apfi 'gessen war,
Is kumma nacha der –
Wer, moant's iatzt wohl, wer kumma is,
Wer sagt mir dös schö, – wer?«

Der Dokter-Hansl springt do auf;
Denn der thuat fleißi mit –
»Herr Pfarra – sagt er – dös weiß i,
Es kam der Appetit.«