Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Ner singe!

Mel.: Krambambuli etc.

Mir Vugtlänner sei su ȧ Völkel,
Sei fleißig be der Ȧrwet und ȧȧ heauf zer Zeit,
Und druht drah'n Himmel uns ȧ Wölkel,
Dös schiem mit Lachen ost m'r af de Seit
Und stimme ah ȧn'n Singgesang
Gemischt mit lusting Gleeserklang,
An'n Si – Sa – Singgesang
Mit Gleeserklang.

Wenn uns ȧ Lȧȧd amol hot betroffen,
Wenn gar der libbste Schatz utrei wur'n,
Und af ȧn'n annern net ze hoffen,
Ner net ne Mut und gar ne Kopf verlurn,
M'r singe. – Wu ȧ Liedel steigt,
Sufort der ganze Gram verfleigt,
Der Gra – Gri – Gram verfleigt,
Wenns Liedel steigt.

Und muß m'r 'sch Kranksei lȧrne kenne,
Wenn su ȧ Feesel Podegra uns zwickt,
Wenn mir de Wänd nauf möchten renne
Vur Zähpei, aß m'r denkt, m'r wird verrückt,
Fix stimme m'r ȧ Liedel ah,
Dös macht gesund ne kränksten Mah,
Ȧ Si – Sa – Singgesang
Macht g'sund, wos krank.

Und gobs in' G'schäft amol üble Stunden,
Gobs mit ne Leiten Ȧrger und Verdruß,
Wenn net bezohln wölln faule Kunden,
Wul gar ȧȧns ze viel Steiern blechen muß,
Fix singe m'r ȧ lustigs Lied
Und aller Zorn in' Nu vergieht,
Der Zi – Za – Zorn vergieht
Be lusting Lied.

Wenn Glück und Frȧȧd uns 's Leem versüßen,
Wenn Lieb und Lust hot in ne Hȧrzen Platz
Wenn alle Welt m'r nei de Arm möcht schließen,
Möcht jeden molling Mȧȧdel geem ȧn'n Schmatz,
Ȧ Liedel, dös derhüht de Lust,
Gesunge fruh aus voller Brust,
Derhüh – ha – hüt de Lust
In deiner Brust.

Und wenn wos extra guts m'r schnäppern,
Wenn Fusch und Hos' es gibbt und annersch mehr,
Wenn mir ȧ Gleesel Wei miet läppern,
Wuhl gar ȧ Tänzel kimmt derhinnerher,
Do stimmt mit Frȧȧden jedes ei
Und singt miet lustig: »Hei juchhei!
Juchhi–ha–hei, juchhei!
Juchhi–ha–hei!

Und sött uns morng der Scheedel brumme,
Wos gieht der morngnde Tog uns heit scha ah!
Do werd ȧ saure Gork genumme,
Ȧ saurer Hering ȧȧ söll Wunner ta,
Und stimme ah ȧn'n muntern Sang
Be frischen, lusting Gleeserklang,
Be Gli – Gla – Gleeserklang
Ȧn'n muntern Sang.