Projekt Gutenberg-DE
Autoren ∞ Werke ∞ Neu ∞ Information ∞ Shop ∞ Lesetips ∞ Textquelle ∞

Georg Queri
Die Weltlichen Gesänge des Egidius Pfanzelter von Polykarpszell
Inhalt

Inhalt

Georg Queri
 << zurück weiter >> 

Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

Wann ih wieder auf'n Tanzbodn geh.

Auf'n Tanzbodn
muaß ih wieder amal schaugn,
zwegn a paar kohlrappnschwarze Augn,
zwegn a paar baumdicke Wadl,
zwegn an kloan Luadermadl.

Auf'n Tanzbodn
muaß ih wieder amal kemma,
muaß meine Silbertaler mitnehma
und an Ochsnfiesl aa dazua,
denn auf's Luadermadl spitzt a Bua!

Auf'n Tanzbodn
muaß ih wieder amal geh:
Musikantn, jetz geigts mir schö!
Luadermadl, jetz tanz' ma oan,
und dein Buam schick' ma hoam!

Auf'm Tanzbodn
muaß ih wieder amal lüagn.
Luadermadl, dih muaß i kriagn,
will dih heiratn, und ih nimm dih gwiß,
wann ih net drauf vergiß!
 << zurück weiter >> 
Impressum ∞ Nach oben ∞ Datenschutz