Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Johann Fischart

Aller Praktik Grossmutter

Metall, Gold vnd Reichthumb.

DAs Silber wu^erd dem bley vorgehn, auch dem Englischen Zinn. Aber die Platner vnd schlosser werden mehr eisen verschmieden dan silbers. Das kupffer würd 25 zů grossen Ehren kommen, dan mans in viel Mu^entzhütten zům Silber heurhaten würd. Das geschmiert gold würd vngeschmirt nicht prob haben. Das heilig kreütz würd man auff der gulden Mu^entz werd halten vnd leiden, aber an der stirnen würd mans neiden. O du heyliges ducaten creütz, wie reitzst zů kreütz vnnd geitz. Man würd meh beschnitten gelts finden, dan beschnitten finger. Die kronen werden sehr getruckt werden. Man würd nichts bald so fleißig behalten, als die alten doppeln Ducaten. Gelt würd bringen gunst, aber kein kunst. Die im Bergwerck graben werden meh stein finden, dann gelt gründen. Gelt einnemen würd diß jar für den Reichthumb mehr im brauch schweben, dann das außgeben. Es würd bleich sehen gold vnd geld, vor sorgen, das man jhm so sehr nachstelt. Die reichen werden besser zehlen mo^egen (wann sie anderst wo^ellen) dan die Armen. Die Alchimisten werden den Mercurium braten vnd sieden, vnd im grund den lapidem Spittal lauficum schmieden. Wer das gelt veracht vmb des bo^esen seckels willen, den solt man mit Mum fu^ellen. Es würd gůt sein, das man meh vorrhat schaff von gelt dan von hew. Dann wiewol es theür ist, so essen es doch nicht alle thier. Des S. Francisci leiden vnnd Orden würd sehr groß sein bey denen so kein gelt haben. Wer gelt hat wu^erd es ohn zweiffel warm halten, wer keins hat, darff kein seckel darzů kanffen, noch zů den wechßlern lauffen.