Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Johann Fischart

Aller Praktik Grossmutter

Von den vier gezeiten deß Jars.

DEr Früling würdt nichts bey den sieben schla^effern vermo^egen, vnd wann er erst im Augst ka^eme, so hieß er wol Spa^etling. Auff Sant Va^eltins tag, ist der früling nach. Vnnd dieweil auff den Karfreitag jederman will fladen vnd Eyerka^eß essen, würd ein eyerbrůch mu^essen 5 vorgehen, vnd wolfeile in den Eyerschalen entstehen. Die verbunden zeit geht ein, wann man der blinden ma^euß spielet. Die Faßnacht würd jren Rechtshandel gewinnen, dann die Doctor seind gar wolfeil vnd wurmstichig worden, vnd helffen erhalten den Narrenorden. In der faßnacht würd ein theil der welt sich verkleiden, darmit sie das ander betriegen. Mir ohn schaden, so mach jch auch mit.

Im Sommer ist trucken ein kommen, vnd würd am ku^elen getranck Weins vnd Biers mangel sein. Auch würd das Dorff wasser im Brunnen so su^eß vnd geschmack werden, das manchem dürstigen Schnitter ein kalter trunck wassers baß schmacken würd, dann den Reichen hu^enerfressern der badwarm ga^enßwein. Die Sonn würd diß jar einem wa^ermer scheinen dann dem andern, angesehen das etliche in den kelleren sitzen, vnd nicht allein die Weber, sonder auch die weinspu^eler. Das abgema^eyt graß vnnd die eingeschnitten frucht würdt nicht mehr wachsen. Im Sommer würd nichts hitziger sein, dann das fewr, vnd darff die Schaubenhu^et verbrennen, wann man das fewr darmit anmacht. Auch werden die flo^eh den Weibern fast vber die knie steigen, vnnd weder schůh noch hosenbendel zůvor vmb erlaubnuß fragen. Bey den flo^ehen im mittel des Sommers, vnd den filtzla^eusen im regen würd das jucken wolfeil sein: Auch werden die weiber die schwartzen Reütter mit den blossen wehren oder messern auß den haarechten vnd beltzechten busch klopffen vnd scheichen. O jhr flo^eh weichen, eh sie euch beseichen.

Im Herbst des Ha^endschůchs würd ein grosser abfall werden, daß man vil laubreicher ba^eum kleidung würd ligen sehen auff erden, vnd also nackend zůschanden werden. Es würd diß jhar meh wasser sein dan wein. Im Herbst würd man die trauben vor oder nach ablesen. Wer zů viel Most einschütt, verknipff die Nestel nit. Der auffgang des Mosthardi mit dem Weinmann würd ein abgang in die Newen la^eren fa^esser verursachen, vnd mangel an vollen seckelen machen. In weinla^endern würd das bauchgerümpel mit einer wüsten influentz den durchbruch bringen, also das manchen der weg zůlang würd sein, 6 etwann nur bey dem nechsten weinstock nieder zů sitzen, vnd zů schwitzen. In solcher Not wer mein Rhat, daß jhr euch nicht auffnestelten, sonder das wammest mit dem gesa^eß verbunden abstreiffeten: Es iß auff der post scheissen (wie die Walchen auff der post essen) auch ein vortheil: doch hu^eten euch daß jr nicht wie jener lecker, euch selber in den Ermel scheisset, wann jhr das wammest nicht genůg an euch halten. Den besten Most würd der gemein Mann am liebsten trincken. Es soll in dieser zeit o^epffel vnd biren den Bauren vngescha^elt zů essen erlaubet sein. O Jockel beiß kein zan auß daran.

Der Winter würd dem Herbst gestracks auff den fersen in pantoffeln vnnd im Wolffsbeltz nachfolgen mit weissem schnee vnnd schwartzen kolen, mit kaltem eyß vnd heyssen o^effen. Was man im Winter im schnee verschart, würd im Sommer offenbart. Zwischen Arm vnd Reich ist es fast nacht, vnnd schafft es B der Bůchstab, vnd würd der Wassermann meh bey jhnen sein dan der Weinmann. Es würd sehr kalt sein, wann es gefrieren würd. Ein beckelhaub würd den Narren wa^ermer halten, dann der doppelgeha^eubelten deck den thoren stuben vnd kammer vber einander, ich na^em sie vnd hielt eim ein stirn schnall. Es würd auch volgen, das die vom Kachelberg vnd die stat offen mit dem feurigen Aspect vom Dürren holtz dermassen erzürnt werden, daß man sich leichtlich an jnen verbrennen mag: Derhalben sie billich in ehren gehalten sein, sonderlich vom weiber volck. Die ma^egd vnd frauwen, werden mit solcher einbrünstiger lieb gegen den weissen Moren vom ofenloch entzündt werden, das zůbesorgen sie mu^essen jnen zů dem hindern hinein blasen, so lang biß sie feüwr außspeyen, vnd sich entgegen mit hitziger brunst vernemmen lassen: Pfuy was stinckt also? Gredt dir ist der beltz verbrendt, Ey daß dich Bock scha^end, wie blast am hindern end? Wolan wer in der zeit ein gefroren Ey legt, dem ist gewißlich der magen erkalt, gleich wie jenem bauren der den jegel schiß, vnd jhn im hindern biß. O wie erka^elte Eyer sein bawren Eyer, es seind keine die eher gefrieren, man leg sie hin wo man wo^ell, dann sie seind nicht heyß gewürtzt, wie die Polnischen fürtz. Im Winter würd mit 7 kalten ha^enden nicht gůt in bart zůgreiffen sein. Die Weinacht vom wein würd in schlafftrüncken bra^euchlich sein. Im winter würd nichts ka^elter sein dann das Eyß, vnd die Ga^euch werden vmb die selb zeit auff den gassen gehen, auch die Rotbrüstlein auff die nasen fliegen. Das nasen fůter her mit za^ehem witwenleimen gefütert vnnd mit starkem baurenstreck gelidert. Die mag man wol für Narren tauffen, die im winter den beltz verkauffen, auff das sie brillen kauffen, guck mir durchs loch, seh bedarffst ein ha^endschůh noch.