Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Johann Fischart

Aller Praktik Grossmutter

IM Hornung, welcher kein garten hat, der soll sein ba^eum vngebutzt lassen. Wer im Fisch dises Monats geboren ist. der würd gewiß kein Menschenfleisch haben. Das kalt Wee würd noch vil zitterns geben, besonders den barfüssern, sie ziehen dan vor Offen, vnd lesen im bůch der Ko^enig vom schellenko^enig, wie der Karttenheüser vbung ist. Tyriacks auß dem Weinglaß ist gůt für vnmůt, aber er můß nicht groß sein, er vberwieget sonst den Wein, vnd macht die witz klein. Schaw hu^et dich vor vberiger 17 Weißheyt, dann man würfft die Narren bald auß der wiegen, wer dann mit ga^euchen zů ackern gehet, der můß mit gecken a^egen. Vmb des Peterstůl fest, sůchen die Storcken jr nest, vnnd kompt von Schwalben der rest. Mattheis bricht das Eyß, find er keins, so macht er eins. Der Jenner vnd Hornung haben mu^eh, füllen die ka^esten oder la^eren sie. Es sagt der Bawr ein kurtzer Hornung sey ein laur: aber sie seind selbst lauren, sie sagen nur von jren Mauren. In der fasten würd das Miserere sehr gemein sein, wie das vluluya zwischen Pfingsten vnd Ostern.

2. Das ander New würd am kalten Montag, als die fraw den beltz verbrant, zů mitternacht am sonnenschein, 3. stund siben minuten im Eselsstall, bey dem Melckkübel, vnd ist im kalb, hat jnnen den kragen vnd magen, vnd würd gůt lassen am augapffel, Artzeney gůt auff dem strosack, da ein die federen in hinderen beissen.