Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Innviertl und Innviertler

Alle Welt han i gern recht von Herzen, mit áfgröckten Fingern
Trau i márs z'schwöm; aber oan Stri is má liabá weitaus!
Vader und Muadá hat glöbt dráf' iazt hamts drunter eahn Ruastatt;
Ähnl und Áhnl desglei, Vödem und Moahmán wiaviel!
Kinnát schan sein, dáß hin und wieder oans grabelt und umgeht,
Awá das hamá volaorn, wissen und höm nix dávan.
»Bleib« – so hoaßts in dá Schrift – »im Land und ernähre dich redlich« –
Na, und mir ham üns den Spru gwolti zu Gmüat gfaßt und ghaltn! –
Innviert! hoaßt der Stri, und án ehrliger Innviertler bin i,
Oaná, wias ollsand sánd: Frisch und á weng á Habaus!
Hau, dá Deamuat, wißts eh, wáchst z'toifást unt' in dá Stoangrua!
Nöt áf dá Hopfenstang und áfn Tannábám obn! –
Innviert! hoaßt der Stri, und án ehrliger Innviertler bin i!
Gschmátzö, resch und nöt dumm, koaner is anders als i;
Oaná den andem is glei, und drum nimmts mi oft Wunder und freut mi,
Dáß 's denn justáment i sagn derf und sagn muaß und sag,
Dáß má von enk koans drein drumpft und aboit und á außá Land neamd
Soat: Halt dein Mäul! odá sist wias schan geht, á lötzs Wort.
Wundá nimmts mi und freut mi, und d'Freud is just für án Menschen,
Was fürn Prägarten d' Sunn – überall treibt öbs in d' Heh.
Sechts' und da han is und brings und mach enk damit á Verehrung;
Wem dann anders wos enk? D'Muadá, mein Náhers – is taot!
Gföllt enk dá Buschen' so stöckts 'n ná köck áfn Huat in án Feirtá,
Rögn und d' Sunn is á gwehnt, müats 'n ná zreißen mit Gwalt.
Ugfáhr ámal zua á heilingá Zeit: áf á Scheibri odá Rennáts,
Kimm i á wiedá grennt – Manná, aft wißts, was 's má toats?
Dankts má laut, wi i enk grüaß, und druckts má mein Händt' wiar is enk druck'
Kriaseln und zimpferli toan, roat i für wenger als nix.
Guckts, ehts márs zuabringts, in Kruag und toats mi nöt focká mit Noageln,
Denn án ehrsamá Mensch federt án ehrsamá Trunk.
Ruckts á weng zsamm und machts Spázi, we woaß 's, i mecht müad sein von Roasn.
So – schen'n Dank, Manná, so! – Na, und aft gehts schan dáhi! –