|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
Chnab.
Mys Lieb isch gar wyt inne,
Dört inne-n-uf der steinige Flueh;
Wenn i scho zue-n-em wetti,
0 so reute mi die Schueh!
Meitschi.
La du di d'Schueh nit reue,
Leg du dyni Bantöffeli a;
We du si deh hescht broche,
So chasch ja denn angeri ha.
Chnab.
I ma nit i der Wuche
Uf d'Flueh zu mynem Schätzeli ga;
Es gitt ja so-n-e Fyrtig,
Wo-n-i zum Schätzeli cha.
Meitschi.
My Schatz cha gar guet horne,
Cha-n-alli Reyeli wohl;
Er hornet mir alli Morge,
O we-n-is ga melche soll.
Chnab.
Mys Lieb trybt über d'Gasse
Gar d's Tusig e schöns Trüppeli Veh!
Un i ha gar längi Zyti,
Sobald i's nümmemeh gseh.
Meitschi.
We-n-i deh soll ga melche,
So steit mer d's Chuehli nit recht,
Da stelle-n-i d's Chübli näbed-si,
U gauggle mit dem Chnecht.
Chnab.
O d's Chuehli wey mer verchaufe,
U d's Chalbeli wey mer no b'ha,
We früeh de d'Meitscheni melche,
Cha-n-i no zue dir gah.