Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Hartmann von Aue

Kreuzlied

Dem kriuze zimt wol reiner muot
Und kiusche site:
So mac man saelde und allez guot
Erwerben mite.

Ouch ist ez nicht ein kleiner haft
Dem tumben man,
Der stine liebe Meisterschaft
Niht halten kan.

Ez wil niht, daz man fi
Der werke drunder fri:
Waz toue ez uf der wat,
Der sin am herzen niene hat?

Nu zinsent, ritter, iuwer leben
Und ouch den muot
Durh in, der iu da hat gegeben
Lip unde guot.

Swes schild ie was zer welt bereit
Uf hohen pris,
Ob er den Gote nu verseit,
Der ist niht wis.

Wan swem daz ist beschert,
Daz er da wol gevert,
Daz giltet beidiu teil.
Der werlte lop, der sele heil.

Diu werlt mich lachet triegerde an,
Und winket mir:
Nu han ich als ein tumber man
Gevolget ir;

Der haken han ich manegen tac
Gelaufen nach:

Da nieman staete vinden mac,
Daz was mir gach.

Nu hilf mir, herre Krist,
Dar min da varende ist,
Daz ich mich dem entsage
Mit dinem zeichen, deich hie trage.

Sit mich der tot beroubet hat
Des herren min,
Swie nu diu werlt nach im gestat,
Daz laze ich sin.
Der fröide min den besten teil
Hat er da hin;
Und schüefe ich nur der sele heil,
Daz were ein sin.

Mag iz ime ze helfe komen,
Min vart diech han genommen,
Wil i' me halber jehen:
Vor Gote müeze ich in gesehen.