|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
G'sesch's Tübli uf's Pfar-Here Dach,
Und Stelzli am glitzrige Bach?
Der Gugger im schattige Wäldli
Und d'Lörche im thauige Feldli,
Wi sie ihre Hälseli strecke,
Und d'Lüt usem Schlummer erwecke.
s'isch Alles so prächtig, so schön,
Dr lieb Gott isch gwüß jetz nid bön;
Er gönnt alle Thierlene Freude,
Wem wött au sis Lebe verleide?
Nei! lue au die Spatze-n-und Finke,
Si wei us tem Bächeli trinke.
Ach! lue au dei s'Imbeli a,
's hät Beindli und Höseli dra.
Es mag si fast gar nit erträge,
Das isch jo n-e sichtbare Säge:
Es sumset und flügt i sis Hüsli,
Und freut si und meint sie gar grüsli.
Wie flüge nit d'Buebe erst us!
Es ist der e Freud und e Gruus.
Sie springe und gumpe wie Böckli
I's Gras, über Stude und Stöckli,
Sie chlädre uf Tanne und Bueche,
Wönd Näster und Eier ufsuche.
Du herrliger, liebliche Mey,
Was chromst is nit allerlei bei!
Du bringest so vielerlei Freude,
Wem wött au sis Lebe verleide?
Juheie, und jetz isch es Meye,
Hansjoggi, wie weimer is freue!