Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Der Gronigl.

Mürrischer verdrießlicher Mensch.

eunt taugt's an Vader aber schlecht,
Die Kinder machen gar nix recht,
Sie feit wohl grad a Kloanigkeit,
Er aber zürnt und gront und streit't.
»Oh mei',« sagt d'Muader, »sei nur guat,
Da braucht ma' halt a ruhsams Bluat.
Die Kinder, wenn s' so wachsen z'Haus,
Dös is als wie dös Feld da drauß,
In jedem Monat, allweil fort
Steht halt a wen'g an Unkraut dort,
Heunt dös, morg'n dös – wer werd deswegen
Den ganzen Acker nimmer mögen?
D'Hauptsach ist dengerscht – gelt, da lachst –
Daß d'Sunn scheint und der Woazen Waizen. wachst.
Dös Unkraut bringt ma' na' scho' 'raus,
Ganz grad geht's ja gar ninderscht Nirgends. aus.«
Da war der Vader mäuselstaad,
Es war, als wenn's ihn reuen thaat.
Ja, dös san G'schichten auf der Welt! –
»»Komm,«« sagt er, »gehn ma 'naus aufs Feld!««