Projekt Gutenberg-DE
Autoren ∞ Werke ∞ Neu ∞ Information ∞ Shop ∞ Lesetips ∞ Textquelle ∞

Zephyrin Zettl
Waldlerisch
Inhalt

Inhalt

Zephyrin Zettl
 << zurück weiter >> 

Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

Bon uns dahoam

                      Mir is s, wos wenn ih sahg in d Weit,
wos wenn mih s Hoamweh trogat hi',
wou ih in d Welt herkömma bi',
wou ih votramt hon d Kindazeit.
Mih ziemt, a' Nebl hät sih ghebt
und ollas lag in' Sunnschei' do:
mei' Dörfl, d Bergn, da Wold, da Boh;
ih sahg, wöi ollas groa't und lebt bon uns dahoam.

Ah meine Liabn und Nachbarsleut
und onda noh, so kümmt s ma für,
wos sahg ih s wieda oll vor mir
und eahra Soarg und eahra Freud;
und sahg, wöi s lebnt und wöi s es treibnt,
dass s stolz und muatis U'glück trognt,
sih wiehrnt gegen s U'recht, net vozognt,
dass ollwal noh de Oltn bleibnt bon uns dahoam!

Is viel ah nimma, wöi s is gwen –
da Houhwold rauscht noch grod a so,
wöi ehnda klingant d Gsangla noh,
wöi ehnda hört ma' d Leut noh redn, –
Af d Hoamatsprach vogessts ma net!
Ih bitt eng, holts ma s recht in Ehrn!
Da Böhmawold wird unsa ghörn,
solong wos unsa Sprach wird gred
bon uns dahoam!

 

 

 << zurück weiter >> 
Impressum ∞ Nach oben ∞ Datenschutz