Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Die Politikaner.

D' Abstimmung.

(1824.)

Der Höllbräu, der is Landstand Abgeordneter in der Ständekammer. g'west,
Ah, der hockt drinna, aber fest,
Als wie hing'mauert hockt er da;
Jetzt gehts aufs End, jetzt stimmens a(b).
»G'schwandler von Bach!« – » Ja,« hat der g'sagt,
»Steinberger!« – » Neinn.« Jetzt werd er g'fragt,
»Höllbräu von Ried!« – Ihm graust scho schier,
»Höllbräu von Ried!« – » Hierr,« schreit er – »hierr.«

G'wohnt.

(1824.)

Sein Nachbar, der von Langenfeld,
Der is mi'n Schlaf halt so guat g'stellt.
Der hockt aa drinna, wie hing'mauert,
Der schlaft glei' ein, wenns ihm z'lang dauert.

Jetzt ham's ihn desz'weg'n amal packt. Zur Rede gestellt.
»Geh,« hat an alter Pfarrer g'sagt,
»Dös g'hört si', daß ma den verschont,
Er is's halt von der Predi' g'wohnt.«

Bei Wörth.

(1870.)

Der Preußen-Kronprinz fragt bei Wörth
An Jager von die Boarn, Einen bayerischen Jägersoldaten. an kloan:
»Warst sechsasechz'ge aa scho mit?«
»»Ja,«« sagt der sell, »»dös wollt i moan!

Aber dort hamma g'habt koa Glück.
I glaub allweil und b'steh's ganz laut:
Hä'n Sie uns damals aa schon geführt,
Na hä'n ma d'Preußen grad so g'haut.««

Die Red'.

(1871.)

Der Sepp: »Du, unser Thierarzt halt a Red
In Tölz drent, im Verein,
Woaßt, weg'n an Milzbrand auf die Alm',
Ah, dös muß ebbes sein.

Ja, wie man nur so reden kann,
Mir grauset – guate Nacht,
Daß oaner da nit stecka bleibt!« –

Der Hans: »»Ah, dös is ganz leicht g'macht.
Z'erst red't er halt a Weil recht dumm,
Und geht ihm's Trümml Das Trumm, der Faden. aus,
Na reibt er si' auf Deutschland 'num,
Da kimmt er ganz schön 'naus!««

Der Russ'.

(1877.)

Zwoa Bauern san beinander g'sessen,
Da sagt der oa, der Hans:
»Jetzt wern ma von die Russen g'fressen,
Auf dös schaugt se si ganz.« Darnach sieht es ganz aus.

»»Geh,«« hat der ander g'sagt, »»Du Narr,
Dös bringt mi do(ch) in Zorn,
Mir san Wir sind. ja erst vor etli' Jahr
Vom Preußen g'fressen wor'n.

Es hat's uns ja der Pfarrer g'sagt,
Hast es denn schon vergessen?
Schaug her – na kann uns do(ch) der Russ'
Jetza nit no(ch)mal fressen.««

A schlechter Summer.

(1878.)

»Aber jetzt geht's scharf!« sagt der Peter zu mir,
      »Hundszeiten san's!
Am Kaiser schießen, die Damikra'n, Demokraten.
      Und d'Wahlsach!! – Han's?Han's, geln's – nicht wahr, Sie.

Jetzt krieg'ns aber Arbeit, die Herrn da drobn,
      Grad Arbeit gnua,
I moa, jetzt hat der Kohlrabikäfer Coloradokäfer.
      A Zeitlang an Ruah!«