Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Kleiner Anhang von Nationalliedern.

Schwoarzaugat's Buawal,
Du bist da mainö,
Du bis mia scho gworn
Ins Hearzal ainö. –

Glonzat koan Augaerl dia,
Klopfat koa Hearzerl dia:
Wa's wol koa Lö'm mäa, galt?
Af deara Walt!

Dös is a Taifls-Gschboas,
Doss eiz da Voda woas
Doss i a Deanal ho
Durt hintan Zo. –

Winn I dz Nocht munta wea,
Und d' Buawla singa hea,
Gangi gean außö a,
Wa gean daba!

Ho mö so long scho gmeiht,
Dass I a Deanal heit:
Bis ma r an Dianla gfölt,
Wiadma z'lötzt olt. –

Imma hübsch Gald im Lö'm,
Schotzerl und di dnö'm:
Owa nöd krok daba,
Deaffat ma sa!

Juche! Du frischa Bua,

Knöpf dia d Tascherl zua;
Wenn a mol 's Tascherl springt –
's Gält'l foklingt!

Galta I gfollat dia,
Galta I taugat dia,
Galta I w dia röcht –:
Won a dö möcht! –

Woartno schei's Deanal,
Du host dö fogoft;
Am Sunta san Spielläd –
Kost sitz'n bläm oft. –

Gstorm is da hübschö Bua;
Liegt in da Tautntrua; –
»Buawal, du sogst koa Woart,
Is da rächt hoart?«

Wennst no so Stolz nöd tast,
Und so voll Haumuath wast,
Räch und gschickt wast o gnua,
Und hübsch dazua! –

Gstoarm is ma Dianal a,
Stei eiz und flänn daba:
»Doss d'owa goa ninx sogst,
Ob'd' mö no mogst?« –

Is denn koa Himml mea,
Is den koa Hill a mea,
Doss I in Himml kam –
's Dianal in d' Hill?

Wissat I goa so gean,
Wea r ihra Schotz wiad wean;
Mia r ist von Hearzn guat –
Sogt mia ma bluat. –

Jaga, wir's Bixerl um,
Laf dur zon Waldla hi;
Findst a da Schotzerl nöd –
Fina kost mi. –

Spielläd spielt' lustö af,
Schänk äng söx Potzn draf,
Tröfts mia no 's rächtö Liad,
Weat's man öd müad.

Gi mia ma Hüaterl hea,
Doss i doch fürtö wea, –
Juche! Ma Schötzerl o:
's Franzl is do.

Dianal moch 's Heazerl zua,
Kimt da schei Nöchbasbua;
Is goa r a faina Hecht,
Dead ö gean mecht. –

He lustö, ma Fixerl!
In d' Walt geiht da Ritt;
Und find' ma r a Schötzerl,
So bring' ma r uns mit.

Ma Büawal is furt,
Is aus üwa d' Heh';
Mog nimma dro denka,
Dem Hearzerl tuat's weh.

Ma Hearzerl is zrissn,
Ma Hüaterl is neu;
Wa 's Hüaterl doch zrissn –
Gsund 's Hearzerl dabei.

Jetza r is guat um mi,
Hot da Bursch 's Mänsch füa mi –:
Ea muaß sa Gald owean,
Und mit hots gean.

S, C, H, schnaid' dö nöd,
Durt liegt a Stoa – und koa
Trais Schotzerl kriagö nöd –
Blaib' ö aloa.

Da Bianbam is volla Bian,
I los ma man Schotz nöd wian,
Dz Nocht, Büawal, hots gwaht
Im Kammerl schei stad. –

Af Wäan binö gonga,
Af lota gräan Ronga;
Af Wäan geh' r i no,
Weis ö 's Dianal durz ho.

Säperl hi, Säperl hea,
Röck' ma da Schnaberl hea,
Lossts mia ma Säperl gei,
's Säperl is schei.