Habt's a Schneid!?

h, schlecht is heuntig's Tag die Welt!
Da ham s' bei uns a Holz aufg'stellt,
Nit weit, glei bei der Schupfen vorn,
Da is allnacht oans g'stohlen wor'n.
Ja, sagt der Wirth, dös glaub i scho',
Dös ham s' bei uns drin aa schon tho';
Z'letzt war s' uns aber z'dumm, die G'schicht,
Da hamma so a Fallen g'richt.
Da hamma sechs, acht Scheiter g'numma,
Die werden ausbohrt um und uma,
Da kimmt z'erst Pulver 'nein grad gnua,
Na macht man s' mit an Pfröpfl zua
Und legt s' am Holzstoß wieder 'nauf,
Recht schön zum stehl'n, ganz obenauf.
Ah Freund, dös reißt die Oefen z'samm,
Da moanen s' glei', der Teufel kaam.
Und wo's an Ofen so derkeit, Zerschlägt.
Da is na' wohl der Dieb nit weit!